Nxënësit e shkollës 9-vjeçare në Ndroq do të mësojnë në ambiente të reja. Bashkia e Tiranës ka nisur rikonstruksionin total të godinës, për të cilën kryebashkiaku Veliaj theksoi se cilësia e punimeve është e të njëjtit standard me shkollat e qendrës.<br /><br />?Jo vetëm shtohet shkolla, por po punohet me të njëjtën cilësi në Ndroq, ashtu siç punohet në qendër të Tiranës. ??270 nxënësit e shkollës 9-vjeçare, shkolla e vjetër e Ndroqit, në të cilën nuk është vënë dorë ndoshta që nga koha e gjyshërve të tyre. Jo vetëm po rikonstruktohet çatia, klasat ekzistuese, shkallët, sistemi i ngrohjes, nyjet hijeno-sanitare, banjot, dushet e reja, por edhe e kemi shtuar. Pra, shkolla shtohet me 1/3 e hapësirës së vet, që asnjë fëmijë, asnjë djalë ose vajzë e Ndroqit, të mos detyrohet të shkojë në Tiranë apo në shkolla të tjera?.<br /><br />Për herë të parë shkolla do të ketë dhe parashkollorin dhe do të shërbejë edhe si një qendër komunitare pas përfundimit të mësimit.<br /><br />?Sigurohemi që edhe për ata që janë në kopësht, ka një ofertë shtetërore, publike, cilësore në komunitetin e tyre, pa u detyruar që të marrin një dado ose që të shkojnë në kopshtin apo çerdhen më të afërt. ..Janë djemtë dhe vajzat e shkollës që do ta shijojnë paradite shkollën, janë vëllezërit dhe motrat e tyre më të rritur apo familjarët e tyre që do e shijojnë pasdite. Është mënyra më e mirë për ta trajtuar shkollën si një hapësirë komunitare?.<br /><br />Krybashkiaku theksoi se do të vijohet të punohet në mënyrë intensive edhe në ditët e mbetura të verës për të bërë të mundur përfundimin e punimeve përpara fillimit të shkollës.<br /><br />Tv Klan
