#rtvora<br />Policia e Greqisë ka arrestuar një tjetër bashkëpunëtor në vrasjen e komisarit Artan Cukut.<br /><br />Lajmi është bërë publik prej policisë së Athinës ku thuhet se 30-vjeçari Kristaq Leci është ndaluar pasditën e së hënës (12 gusht) nga oficerët e divizionit të drejtorisë së sigurisë dhe të verifikimit të dosjeve.<br /><br />Forcat e rendit kanë konstatuar se ai ishte në kërkim ndërkombëtar për vrasje.<br /><br />Në sqarim thuhet ndër të tjera se ai akuzohet se ka marrë pjesë në vrasjen e një ish-oficeri të policisë të kryer në datën 8 prill 2017 në Shqipëri.<br /><br />Menjëherë pas ndalimit dosja i është referuar prokurorisë për të vendosur më pas procedurat e ekstradimit.<br /><br />Leci akuzohet si bashkëpunëtor i Mikel Shallarit që vrau komisar Cukun në hyrje të pallatit ku ai jetonte në "Rrugën e kosovarëve", pranë liqenit në Tiranë.<br /><br />Ka qenë pikërisht Shallari, i cili ka rrëfyer të gjithë ngjarjen dhe porositësit e ekzekutimit.<br /><br />Sipas të dhënave, ishte Blendar Jambelli që ka kontaktuar fillimisht me Lecin për të kryer ekzekutimin kundrejt një pagesë prej 20 mijë eurosh dhe më pas ky i fundit është lidhur me Mikel Shallarin.<br /><br />Ditën e vrasjes Jambelli ka organizuar vrasjen, duke u treguar lëvizjet e Cukut.<br /><br />Shkak për këtë është bërë arrestimi i Jambellit në Vlorë në kohën kur Cuku ishte komisar si i dyshuar për vrasjen e biznesmenit Amarildo Dedaj.<br /><br />Gjykata e Krimeve të Rënda dënoi me 10 vite burg ekzekutorin Mikel Shallari pasi u bë bashkëpunëtor i drejtësisë duke ndihmuar në zbardhjen e motivit të krimit, kush ishin porositësit, ndërmjetësit.<br /><br />Nga rrëfimi i Shallarit u mësua se Kristaq Leci kishte luajtur rolin e ndërmjetësit ndërsa porositësi i krimit ishte Bledar Jambelli. Ky i fundit vijon të jetë në kërkim. <br />Për më shumë lexoni në: <br />http://www.oranews.tv/article/arrestohet-i-akuzuari-si-bashkepunetor-ne-vrasjen-komisar-artan-cukut<br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp<br /><br />Follow Ora News on Google+ HERE http://bit.ly/2TdjAJz
