Specialistët: E kemi shpëtuar nga dëmtimi i mundshëm<br />I vendosur në atriumin pas Muzeut Historik Kombëtar, guri i gjetur në Fan të Mirditës dhe që hipotezat e para janë se këto shenja i përkasin prehistorisë, fillimisht do t?i nënshtrohet pastrimit.<br /><br />Në nisje të javës, specialistët e Institutit të Monumenteve të Kulturës do të identifikojnë patologjitë që mbart guri dhe më pas do të përcaktojnë materialet për të ndërhyrë.<br /><br />Ky proces do të marrë kohë, përpara se ai të zhvendoset në brendësi të Muzeut Historik Kombëtar, në një mjedis më mbrojtës nga vendi i origjinës.<br /><br />Specialistët janë të bindur se zhvendosja e tij në Tiranë është në të mirë të kësaj vlere arkeologjike pasi guri dhe të dhënat që ai mbart rrezikonin dëmtimin.<br /><br />Shembuj të tillë nuk i mungojnë Shqipërisë, mjafton të shohësh se çfarë është bërë me shpellën e shkruar të Lepenicës.<br /><br />Vlerën përfundimtare historike dhe arkeologjike do ta përcaktojë një ekip me gjeologë, restauratorë dhe arkeologë. Paraprakisht mund të themi:<br /><br />?Sigurinë më të madhe na e jep kjo figura njerëzore që është figurë e një mashkulli, e cila gjen analogji shumë të sigurta me rastin e Lepenicës?, thotë arkeologu Rudenc Ruka.<br /><br />A kemi në Shqipëri studiues të mirëfilltë të këtyre shenjave?<br /><br />?Puna më themelore është kryer nga Profesor Myzafer Korkuti. Nuk është se ka pasur specialistë që janë marrë vetëm me këtë lloj fushe të studimit në arkeologji?.<br /><br />A do të përbëjë pengesë?<br /><br />?Nuk besoj sepse është rasti duke ngritur një grup kompleks?.<br /><br />Në përgjigje të disa prej banorëve që donin që guri të qëndronte në habitatin e tij, specialistët janë angazhuar që të realizojnë një kopje për ta vendosur në fshatin ku u zbulua, në Xhuxhë të Fanit.<br /><br />Tv Klan
