Një ditë pas videos shokuese, ku Mihal Kokëdhima për më shumë se 5 kilometra qëllonte me grushte xhamin e furgonit me turistë spanjollë, duke tentuar të hyjë brenda, lokali në pronësi të tij nga ku dhe nisi incidenti është bllokuar nga policia. <br />Në të nuk dallohen shirita, por vetëm një tabelë kartoni në derën e kangjellave rrethuese.<br />Gjithçka ndodhi pasi turistet spanjolle kishin shprehur rezerva për shërbimin në lokalin e Kokëdhimës dhe ishin ngritur nga tavolina për t?u larguar. 51-vjeçari dha sot shpjegime para gjykatës, por nuk e bindi atë për ta lënë të lirë. <br />51-vjecari u shfaq i qeshur dhe pa tension në Gjykatën e Vlorës në seancën ku do të njihej me masën e sigurisë. Ai qëndroi në sallë në prani të dy avokatëve.<br />Seanca më pas u zhvillua me dyer të mbyllura ku Kokëdhima mohoi të kishte sulmuar grupin e turistëve spanjollë, duke thënë se çdo gjë e kishte bërë për vetëmbrojtje.<br />?Më morën zvarrë me makinë, ç?është kjo pune, nuk kam prekur njeri me dorë. Ku i kanë faktet që i preka me dorë. Më rrezuan në Qeparo, nga makina. Si ka mundësi... unë nuk e theva xhamin për t?i dëmtuar, por për t?u mbajtur. Unë u mora targën , telefonova policinë. Ata futen marshin të me shtypnin, dhe unë u hodha në kroskot. Kam dy fëmijë në shkollë në Gjermani, ne dy muaj punojmë.?<br />Por me gjithë argumentet që parashtroi dhe kërkesën e avokatit për të lënë garanci pasurore një shumë prej 3 mijë eurosh, gjykata vendosi ta lërë në burg 51-vjeçarin, i cili i akuzohet për ?Kanosje?, ?Dëmtime me dashje? dhe ?Shkatërrim të pronës?. <br />Avokati jep edhe versionin e tij për ngjarjen.<br />Në videon e filmuar nga vetë turistët Mihal Kokëdhima qëndron në kofanon e fugonit për rreth 5 kilometra nga Porto Palermo e deri ne Qeparo.
