Këtë vit ?Palmën e Artë? në Festivalin e Kanës për filmin e shkurtër e morri greku Vasilis Kekatos. <br />Filmi ?Distanca midis nesh dhe qiellit? si temë qendrore ka homoseksualitetin. Ai do të shfaqet në Tiranë, në vilën e ish diktatorit Enver Hoxha. <br />Iphie Ghenie me profesion arkitekte dhe një nga organizatoret e ?Cine Tarkovsky?, kinemaja që vë në dukje objekte thuajse të izoluara nga publiku, na shpjegon lidhjen e vendit ku do të projektohet me përmbajtjen e filmit. <br />Regjisorit, vendi ku do të zhvillohet ngjarja nuk i thotë shumë. Më shumë ai është përgjigjur ftesës për të qenë Shqipëria, vendi i parë pas fitores në Kanë për të shfaqur filmin e tij që meritoi ?Palmën e Artë?. <br />?Jam këtu për të festuar artin dhe jetën. Unë vij këtu thjesht si një artist dhe jo me ide politike në mendje.?<br />Projektimi i?Distanca midis nesh dhe qiellit?, do të pasohet edhe nga dy filma të tjerë të regjisorit grek. Shfaqjet në mbrëmjen e vonë do të mbyllen me një diskutim mbi kinemanë.
