Letra e Prefektit të Shkodrës, ku informon kreun e shtetin për vakancën e krijuar në bashkinë e këtij qyteti nga dorëheqja e kryetarit të dalë nga zgjedhjet e 30 Qershorit, nuk ka mberritur ende në zyrën e Presidentit.<br /><br />Burime zyrtare nga ky institucion i thanë Tv Klan se vetëm pasi ta kenë në duar këtë shkresë, Presidenti Meta do të marrë një vendim për t?i kthyer një përgjigje ose jo.<br /><br />Gjithesesi, burimet thonë se kreu i shtetit nuk ka asnjë detyrim ligjor t?i kthejë përgjigje letrës informuese të Prefektit Çesk Millja.<br /><br />Sipas të njëjtave burime, ligjërisht institucioni që duhet t?i drejtohet zyrtarisht Presidentit për ta informuar dhe për t?i kërkuar shpalljen e një date për zgjedhjet në rast të krijimit të një vakance në drejtimin e një bashkie është Këshilli i Ministrave. Ato saktësojnë se ligji që përcakton këtë procedurë është ai për qeverisjen vendore.<br /><br />E në këtë ligj në Nenin 61 pika 3 e tij, thuhet se për rastet e përfundimit të mandatit të kryetarit përpara afatit, Këshilli Bashkiak njofton Këshillin e Ministrave nëpërmjet Prefektit. Në rastet e përfundimit të parakohshëm të mandatit, organizohen zgjedhjet e pjesshme për kryetarin e bashkisë, në përputhje me dispozitat e Kodit Zgjedhor të Republikës së Shqipërisë.<br /><br />E në kod përcaktohet se kreu i shtetit duhet të dekretojë një datë të re zgjedhjesh brenda 48 orësh nga dorëheqja apo ndërprerja e mandatit të kryebashkiakut, e mbajtjes e zgjedhjet duhet të kryhen jo më herët se 30 ditë dhe jo më voëe se 45 ditë.<br /><br />Burimet e Presidencës ripërsërisin qëndrimin e kreut të shtetit kur pyeten nëse do të ketë një dekret për datën e zgjedhjeve të pjesshme në Shkodër. Kreu i shtetit nuk i njeh zgjedhjet lokale të 30 Qershorit dhe si pasojë nuk do të ketë asnjë dekret tjetër veç atij ku si datë e shpalljes së garës për vendoret e 2019 të jetë 13 Tetori.<br /><br />Për shkak të këtij qendrimi të Presidentit, pritet të thellohet me tej kriza kushtetuese e politike në vend.<br /><br />Tv Klan
