Lorenc Veliaj, dëshmia e të cilit ndihmoi policinë për të zbardhur vrasjen e Indrit Çelajt, do të qendrojë në burg. Ky është vendimi i Gjykatës së Tiranës për të riun që akuzohej për tre vepra penale që nuk kanë lidhje me krimin që tronditi kryeqytetin ditën e enjte.<br /><br />Mbi të rëndon akuza e kundërshtimit të punonjësit të policisë, prodhimi dhe mbajtja pa leje e armëve luftarake si dhe shkatërrim prone.<br /><br />Veliaj u arrestua pas dëshmisë së pronarit të objektit ku mbeti i vrarë i riu Çelaj. Vëllezërit Kusi, të dyshuar si autorë të vrasjes se punonjësit të kondicionerit, kishin ndërmjetësuar me 27-vjeçarin që ai të merte përgjegjësinë e krimit. Por ai u ndalua nga policia dhe rrëfeu të gjithë skenarin.<br /><br />Në kërkim janë shpallur vellezërit Griseldo dhe Albano Kusi. Këta dyshohet se kanë qëlluar mbi të riun pasi kanë patur pakënaqësi për mënyrën e kondicionimitt të vilës, kati i parë i së cilës do të bëhej lokal.<br /><br />Në pranga aktualisht janë babai i dy autorëve të dyshuar, Bujar Kusi, si dhe Edmond Sula, Ferdinand Bakalli dhe Luan Çaka. Mbi ta rëndon akuza e moskallëzimit të krimit dhe pengimi në zbulimin e së vërtetës.<br /><br />Tv Klan
