Këto janë pasojat e shpërthimit të cisternës së gazit, në një karburant në aksin Lezhë-Laç mbrëmjen e së shtunës.<br /><br />Pika e karburantit është thuajse e shkatërruar, ndërsa janë dëmtuar disa automjete që ndodheshin aty të parkuara.<br /><br />7 të plagosur ndodhen në spital dhe njëri prej tyre në gjendje të rëndë në spitalin Nënë Tereza, pasi ka djegie në 40% të trupit. Po në kryeqytet po trajtohej edhe drejtuesi i mjetit, i cili do të mbushte bombolën, Bardhok Bushati.<br /><br />Ngjarja ndodhi rreth orës 22:10, kur një automjet po furnizohej me gaz. Për më shumë se një orë zjarrfikësit luftuan më flakët, të cilat rrezikonin edhe depozitat e tjera me karburant.<br /><br />Specialistët kanë nisur një hetim për të saktësuar shkakun e kësaj, ngjarje e cila për pak mund të ishte tragjike. Paraprakisht dyshohet se ajo mund të këtë qenë për shkak të pakujdesisë, ose për një problem teknik.<br /><br />Tv Klan
