TIRANE - 15 shtatori është afati i fundit për të vetëdeklaruar të dhënat e banesës, të cilat nevojiten për të llogaritur taksën e banesës, që do të aplikohet në faturën e ujit.<br /><br />Ky vetëdeklarim mund të kryhet në të gjitha pikat e UKT.<br /><br />Llogaritja e taksës së banesës do të bëhet në bazë të vlerës së ndërtesës shumëzuar me shkallën në përqindje të taksës së miratuar me ligj për kategorinë e ndërtesave për banim që është 0.05%.<br /><br />Pra nëse një apartament me sipërfaqe 70 m², shumëzuar me çmimin vlerësues 60.000lek/m² shumëzuar me 0.05%, taksa vjetore që duhet paguar llogaritet 2 100 Lek, ku për çdo muaj vlera që duhet paguar është 175 lek.<br /><br />Vlera e ndërtesës x 0,05% = Taksën Vjetore të Ndërtesës<br /><br />Shembull:<br /><br />Apartament me sipërfaqe 70 m² x cmim vlerësues 60.000 lek/m²) x 0.05% = 2 100 Lek/vit<br /><br />2 100 Lek (Taksa Vjetore): 12 muaj = 175 Lek/muaj<br /><br />Vlera e Taksës mbi Ndërtesën përfshirë në faturën mujore do të jetë 175 lek.<br /><br />Në momentin që shkon për të vetë dekaruar të dhënat, dokumentet që nevojiten janë :<br /><br />1. Karta e Identitetit.<br /><br />2. Certifikata e Pronësisë me kartelën e pasurisë/ kontrate shitblerje, dhurimi ose shkëmbimi, akt privatizimi apo vetëdeklarimi të ALUIZNI-t, rivlerësim të fundit të pasurisë nëse ka.<br /><br /> 3. Libreza e ujit apo një faturë UKT.<br /><br />Gjatë procesit të vetëdeklarimit kryhet edhe përllogaritja e taksës vjetore për ndërtesën e banimit.<br /><br />Për të gjitha deklarimet e bëra për banesën do të nisin verifikimet në terren, ku do të kryhen dhe korrektime në regjistrin e bazës së të dhënave.<br /><br />Në rast se vlera e vetëdeklaruar nga taksapaguesi rezulton e ndryshme nga vlera e llogaritur me çmim e vlerësuar, të përcaktuar në metodologjinë e miratuar me VKM nr.132, datë 07.03.2018, si vlerë e bazës së taksës do të merret vlera më e lartë-thuhet në njoftimin e UKT.
