Gjykata e Apelit në Vlorë ka lënë në fuqi masën 'Arrest me burg' për Mihal Kokëdhimën, pronarin e resortit pa leje 'Panorma' që u shemb në Porto Palermo dhe që terrorizoi familjen spanjolle duke hipur mbi makinën që ata po lëviznin dhe duke qëlluar xhamin për më shumë se 3 kilometra.<br /><br />Masa 'arrest me burg' fillimisht është dhënë nga gjykata e Shkallës së Parë në Vlorë por vendimi u apelua. Seanca ndaj Kokëdhimës është zhvilluar një ditë më parë në gjykatën e Apelit Vlorë, ndërsa trupi gjykuese është përbërë nga Skënder Damini, Klodiana Gjyzari dhre Petrit Aliaj, ndërsa prokuror në Apelin e Vlorës, Kleant zeka. Ndërsa avokat i Kokëdhimës, Gëzim Veleshinja. Kokëdhima nuk është përfaqësuar nga të njëjtët avokat ,që ishin të pranishëm në seancën e masës së sigurisë në gjykatën e shkallës së parë, të cilët nuk e kanë përfaqësuar sërish.<br /><br />Pala mbrojtëse e Kokëdhimes ka ngritur gjithsesi të njëjtin pretendim si në seancën e Shkallës së parë,duke kërkuar një masë sigurie më të lehtë për Kokëdhimën,i cili akuzohet për tre vepra penale,"Shkatërrim të pronës",'Dëmtime të tjera me dashje" dhe "kanosje". <br /><br />Pas konfliktit me familjen spanjolle ku Report Tv siguroi videon ekskluzive ku shihej Mihal kokëdhima duke sulmuar me grushte xhamin e parë të furgonit në lëvizje, IKMT vendosi të shemb resortin ku kishte nisur konflikti pasi ishte pa leje. E gjithë zënka që u bë 'hit' në mbarë botën nisi nga një sasi peshku më pak që turistët spanjoll kishin kërkuar.
