#rtvora<br /><br />Pas Valdrin Pjetrit, Agim Kajmaku është kryebashkiaku i dytë i dalë nga votimet e 30 qershorit që dorëzon gjurmët e gishtave në policinë shkencore pas akuzave për fshehjen e dënimit jashtë vendit.<br /><br />Prokuroria e përgjithshme tha se ka administruar shenjat e gishtërinjve të kryebashkiakut të Vorës Agim Kajmaku. Katër ditë pas kërkesës së dorëzuar zyrtarisht në zyrën e tij kryebashkiaku i Vorës është paraqitur në policinë shkencore dhe ka depozituar shenjat të cilat më pas i janë dorëzuar prokurorisë së përgjithshme.<br /><br />Sektori i dekriminalizimit ka nisur hetimet lidhur me akuzat e Partisë Demokratike se i zgjedhuri i PS ka fshehur arrestimin dhe dënimin në Janinë në vitin 2003. Gjurmët e marra nga policia shkencore do ti dërgohen me ane te letër porosisë shtetit grek për të kryer krahasimin me shenjat e Jorgo Totos, për të cilin PD thotë se është i njëjti person me kryebashkiakun.<br /><br />Ditët e fundit selia blu ka publikuar dokumente dhe foto nga sistemi TIMS të cilat i përkasin Jorgo Totos në letërnjoftim me nr. Z 0148497. Sipas krahasimeve të PD, personi i arrestuar në Greqi është i njëjti me Agim Kajmakun pasi ka numër të njëjtë pasaporte dhe ngjashmëri në foto pavarësisht moshës.<br /><br />Nga ana tjetër i zgjedhuri i PS në Vorë i ka hedhur poshtë akuzat dhe ka publikuar fletët e pasaportës me të cilën ka udhëtuar në Greqi vitet e fundit me emrin agim Kajmaku.<br /><br />Pas hyrjes në fuqi të ligjit të dekriminalizimit në vitin 2017 prokuroria e përgjithshme krijoi një sektor të posaçëm për hetimin e zyrtarëve që fshehin dënimet e dhëna ndaj tyre brenda apo jashtë vendit.<br /><br />Gjatë tri viteve të fundit në kuadër të hetimeve të nisura prokuroria ka marrë shenjat e gishtave të më shumë se 50 zyrtarëve në nivel lokal e qendror.<br /><br />Pak ditë pas dorëzimit të shenjave të gishtave kryebashkiaku i zgjedhur në Shkodër Valdrin Pjetri dha dorëheqjen për shkak të precedentit penal në Itali.<br /><br />Hetimet për këtë rast por edhe për akuzat e PD ndaj Agim Kajmakut vazhdojnë në pritje të provave nga vendet respektive në Itali dhe Greqi.<br /><br />Për më shumë lexoni në: <br />http://www.oranews.tv/article/prokuroria-administron-gjurmet-e-gishterinjve-te-agim-kajmakut<br /><br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp<br /><br />Follow Ora News on Google+ HERE http://bit.ly/2TdjAJz
