Kryeministri Edi Rama ka vizituar banorët e prekur nga tërmeti i Qershorit në fshatin Floq të Korçës. I shoqëruar nga ministrja e Infrastrukturës Belinda Balluku, kreu i qeverisë u premtoi atyre se ndërtimi i shtëpive do të përfundojë para dimrit.<br /><br />?Kryesorja është që dimri, era, shiu, i ftohti të mos i kapi njerëzit nëpër tenda. Në fakt kemi bërë dy fonde, një fond solidariteti të bashkive të tjera që ishin të socialistëve dhe edhe një fond nga fondi i fushatës të PS. Gjithashtu edhe kompanitë kanë ndërmarrë përgjegjësi sociale për të dhënë një ndihmë. Kështu që faktikisht është bërë një fond kompleks.?<br /><br />Gjatë inspektimit nuk munguan as batutat me sfond politik mes banorëve dhe kreut të qeverisë.<br /><br />Në Floq po rindërtohen 20 shtëpi, ndërsa në total, në fshatrat e prekur nga tërmeti, janë 120 banesa që po rinkonstruktohen, 40 prej të cilave, puna ka nisur që nga themelet.
