TIRANË-Qytetarët ankohen se tymi që del nga fabrika, është i dëmshëm për shëndetin dhe kancerogjen. Sipas banorëve, tymi i zi që del nga fabrika siç duket në këto video amatore të filmuara nga ata në orare të ndryshme gjatë ditës e natës shkaktohet nga mosfunksionimi i filtrave.<br /><br />?Jemi në 2019-ën dhe shëndeti i fëmijëve tanë është kërcënuar seriozisht nga gazrat që mëtohen pa kufij dhe pa kontroll nga kjo kompani?-u shpreh një nga protestuesit.<br /><br />Ndaj fabrikës, në muajin prill të këtij viti është vendosur një gjobë prej 500 mijë lekësh, nga Inspektoriati Shtetëror i Mjedisit, për mos plotësim të kushteve, por banorët shprehen se asgjë nuk ka ndryshuar dhe fabrika vazhdon po njësoj me ndotjen.<br /><br />Në protestë të pranishëm ishin dhe fëmijë, të cilët kërkojnë të jetojnë si gjithë fëmijët e tjerë, pa pasur frikë për shëndetin e tyre.<br /><br />?Kisha kollë të vështirë dhe mezi merrja frymë. Babi im më çonte në spital për të më shëruar, mamit tim nga stresi i madh nga tymrat, i dilte gjak nga hundët. Ne duhet t'i rrinim te koka mamit, qaja çdo ditë, i rrija te koka mamit. Çfarë do bëjmë ne??-tha një nga fëmijët<br /><br />Banorët paralajmëruan dhe një protestë tjetër, ditën e enjte në orën 18:00.
