“ဆုရတိုင်း၊ ရတိုင်း ကြိမ်နဲ့ အတို့ခံရသလိုပါပဲ”- ဒေါက်တာရဲလွင်၊ မန္တလေးမြို့တော်ဝန်<br /><br />#MizzimaTV<br /><br />Asian-Oceanian Computing Industry Organization (ASOCIO) က ပေးအပ်တဲ့ Smart City Award 2019 ဆုကို မန္တလေးမြို့တော်က ထပ်မံရရှိခဲ့တာနဲ့ပတ်သက်ပြီး မန္တလေးမြို့တော်ဝန်၊ ဒေါက်တာရဲလွင်က မီဒီယာတွေကို အခုလို ပြောကြားခဲ့တာ ဖြစ်ပါတယ်။<br /><br />Smart City Award 2019 ဆုပေးပွဲ အခမ်းအနားကို ထိုင်းနိုင်ငံ၊ ဘန်ကောက်မြို့မှာ ဩဂုတ်လ ၂၈ရက်နေ့က ကျင်းပခဲ့ပြီးတော့ သုံးနှစ်တာကာလအတွင်း မန္တလေးစည်ပင်သာယာရေးကော်မတီရဲ့ လုပ်ဆောင်ချက်တွေကြောင့် တိုးတက်ပြောင်းလဲမှုတွေကို အခြေခံပြီး ဆုရွေးချယ်ခံရတာလည်း ဖြစ်ပါတယ်။<br /><br />မျက်စိဆရာဝန်ဘဝက မျက်စိလူနာတွေ အလင်းပြန်ရတဲ့အခါ ပီတိရဖူးခဲ့ပေမယ့် အခုလို လမ်းတစ်လင်းခင်းပြီးတိုင်း၊ လမ်းမီးထွန်းပြီးတိုင်း ရတဲ့ ပီတိက ပိုပြီး ကြည်နူးရတယ်လို့ ဒေါက်တာရဲလွင်က ပြောပါတယ်။<br /><br />အခုလို ဆုရရှိတာဟာ မန္တလေးစည်ပင်သာယာရေးကော်မတီက လုပ်ဆောင်တဲ့ ရလဒ်တွေကို ချီးမြောက်ခံရတာ ဖြစ်ပြီးတော့ ဒါဟာ တစ်ဦးတစ်ယောက်ကောင်းလို့ မဟုတ်ဘဲ ဝန်ထမ်းအားလုံး ပြုပြင်ပြောင်းလဲပြီး ကြိုးစားကြတာကြောင့်လို့လည်း သူက ဆိုပါတယ်။<br /><br />“ဆုရတိုင်း၊ ရတိုင်း ကြိမ်နဲ့ အတို့ခံရသလိုပါပဲ။ လမ်းကို မြန်မြန်လျှောက်နေတဲ့သူတွေပါ။ ကြိမ်တို့ခံရရင် အပြေးကလေး လျှောက်ရပါတယ်။ ကျွန်တော်တို့ ဆက်လျှောက်မှာပါ” လို့ ဒေါက်တာရဲလွင်က ဖွင့်ဟပြောဆိုပါတယ်။<br /><br />ပြီးခဲ့တဲ့နှစ်၊ အောက်တိုဘာလအတွင်းက အရှေ့တောင်အာရှနိုင်ငံရဲ့ Smart City အဖြစ် အလားအလာ အကောင်းဆုံး ထိပ်တန်း(၁၀)မြို့ကို ရွေးချယ်ရာမှာ မန္တလေးမြို့တော်ဟာ အဆင့်(၅)မှာ ရပ်တည်ပြီးတော့ Smart City အဖြစ် ရွေးချယ်ခံခဲ့ရပါတယ်။<br /><br />(ရိုက်ကူး- ကိုကိုအောင်/မဇ္ဈိမ)
