Prokuroria e Tiranës ka nisur verifikimet për ministren e Drejtësisë Etilda Gjonaj dhe nënkryetarin e Bashkisë së Tiranës Arbër Mazniku.<br /><br />Verifikimet vijnë pas akuzave që janë bërë ditët e fundit nga media dhe Partia Demokratike për qëndrimet e tyre në hotele luksoze.<br /><br />Për Etilda Gjonajn do të verifikohen disa shpenzime që ajo ka kryer për qëndrime në hotele të ndryshme në Europë.<br /><br />Sipas disa faturave të bëra publike në media dhe nga selia blu, ajo ka paguar rreth 700 Euro për një natë qëndrimi në një hotel në Bruksel.<br /><br />Ministrja i ka hedhur poshtë akuzat, duke sqaruar se bëhej fjalë për pagesa për të gjithë delegacionin e se hotelet përzgjidhen nga vendet që organizojnë aktivitetet ku ajo ka qenë pjesëmarrëse.<br /><br />Ndërsa verifikimi për nënkryetarin e Bashkisë, Arbër Mazniku, ka nisur pas publikimit nga Partia Demokratike të një fature hoteli në Spanjë.<br /><br />Kjo faturë me vlere 908 Euro rezulton se është paguar nga biznesmeni Shkëlqim Fusha.<br /><br />Mazniku ka sqaruar se ai ka qenë pjesëmarrës në ceremoninë e dhënies së çmimeve për hapesirat publike, ku sheshi ?Skënderbej? fitoi çmimin e parë, që i shkoi kompanise ?Fusha? dhe kontraktorit ? Bashkia Tiranë. Kompania ?Fusha?, thotë Mazniku, mori përsipër të mbulojë shpenzimet për grupin nga Shqipëria, kësisoj duke mos shpenzuar fonde publike të Bashkisë së Tiranës për një çmim që i jepej si Bashkisë, si kontraktorit për realizimin.<br /><br />Pas verifikimeve, vetëm nëse do të ketë elemente të veprës penale, Prokuroria e Tiranës do të fillojë procedimin ndaj dy zyrtarëve.<br /><br />Tv Klan
