Do paraqesë prova që nuk ka shkelur Kushtetutën<br /><br />Ilir Meta ka premtuar se do të jetë fiks në orar të hënën përpara komisionit të ngritur për të hetuar legjitimitetin e dekretit për anulimin e datës 30 Qershor si data e zgjedhjeve lokale. Përmes zëdhënësit të tij, njoftoi se do të ishte në parlament 1 minute para orës së lajmëruar për nisjen e seancës dëgjimore.<br /><br />Burime nga institucioni i presidencës thanë për Tv Klan se do të jetë një seancë ku kreu i shtetit do të paraqesë një serë dokumentesh që provojnë sipas tij kush janë shkelësit e vërtetë të Kushtetutës, por pa specifikuar me tepër se për çfarë provash behet fjalë.<br /><br />Komisioni hetimor pasi të dëgjojë Presidentin do të takohet dhe me një delegacion të komisionit të Venecias që mbërriti në Tiranë pasditen e të hënës, por që takimet i ka planifikuar t?i zhvillojë të martën dhe të mërkurën e 10 dhe 11 Shtatorit.<br /><br />Ne axhendën e bërë publike nga vetë komisioni i Venecias janë parashikuar takime dhe me Presidentin Meta, kryeministrin Rama, kryeparlamentarin Ruçi e deputetë të shumicës dhe opozitës parlamentare, anëtarët e KQZ, ministrin e brendshëm dhe anëtarin e vetëm në detyrë të Gjykatës Kushtetuese, Vitore Tushën.<br /><br />Vetë kryetari i komisionit hetimor Ulsi Manja ka deklaruar se ky opinion i komisionit të Venecias do të jetë shumë i rëndësishëm për përgatitjen e raportit final që do t?i çohet seancës për miratim. Sipas tij, nëse raporti nuk do të vijë përpara afatit të parashikuar për përfundimin e punës së komisionit që është data 9 Tetor, atëherë do të kërkojnë shtyrje të mandatit të punës së tij.<br /><br />Tv Klan
