TIRANE-Delegacioni i Komisionit të Venecias nisi sot takimet me drejtuesit më të lartë të institucioneve më të larta shqiptare pas nismës së shumicës për të shkarkuar nga detyra Presidentin Ilir Meta. Axhenda e komisionit nisi me një takim informal me përfaqësuesit e opozitës, Oerd Bylykbashi dhe Klajda Gjosha. Ky takim ishte informal, kjo është edhe arsyeja se përse Komisioni i Venecias nuk e ka përfshirë në axhendën e tyre të takimeve zyrtare. <br /><br />Më pas delegacioni i këtij komisioni nisi takimet me institucionet më të larta në vend në datat 10 dhe 11 shtator. Takimet e tyre nisën me përfaqësues të mazhorancës dhe opozitës parlamentare. Ndërsa do të vijojnë më pas me krerët e lartë të shtetit, kryeministrin Edi Rama, presidentin Ilir Meta dhe kreun e Kuvendit Gramoz Ruçi, ministrin e Brendshëm Sandër Lleshaj, përfaqësues të KQZ dhe anëtaren e vetme të Gjykatës Kushtetuese, Vitore Tusha.<br /><br />Komisioni i Venecias vjen në Shqipëri pasi Kuvendi i kërkoni mendim lidhur me procesin e shkarkimit të presidentit Ilir Meta, me argumentin se ka shkelur Kushtetutën me shtyrjen e zgjedhjeve të 30 qershorit. Dje Presidenti Meta dha shpjegimet para Komisionit Hetimor, ku ndër të tjera u shpreh se anuloi dekretin se kishte informacione se do të digjej Kuvendi. <br /><br />Delegacioni i Komisionit të Venecias në Tiranë<br />1. Kaarlo Tuori-Drejtues i delegacionit<br />2. Grainne Mcmorrow- Juriste ndërkombëtare<br />3. Schnutz Rudolf Dürr- Kreu i divizionit për Çështjet Kushtetuese<br />4. Thomas Markert- Sekretar i Komisionit<br /><br />AXHENDA E PLOTË<br />E martë 10 shtator<br />09:00 ? 09:55- Takim me përfaqësues të mazhorancës<br />10:00 ? 10:55- Takim me deputetë të opozitës parlamentare<br />11:00 ? 12:00- Takim me kryetarin e Kuvendit, Gramoz Ruçi<br />12:10 ? 13:05- Takim me presidentin Ilir Meta<br />14:30 ? 15:20- Takim me Ministrin e Brendshëm Sandër Lleshaj<br />15:30 - 16:30- Takim me kryeministrin Edi Rama<br />16:40? 17:35- Takim me përfaqësues të KQZ<br />17:40 ?18:15- Takim me anëtaren e Gjykatës Kushtetuese Vitore Tusha
