Të premten takim me Merkel në Berlin<br /><br />Edi Rama ka marrë mbështetjen e 4 vendeve të njohura si vendet e Vishegradit, se në 18 Tetor, në mbledhjen e Këshillit Europian do të mbështesin çeljen e negociatave të Shqipërisë, por edhe Maqedonisë së Veriut me BE.<br /><br />Pas pjesëmarrjes në samitin e kryeministrave të vendeve të Ballkanit Perëndimor me krerët e shteteve të Polonisë, Hungarisë, Çekisë dhe Sllovakisë, që u zhvillua në Pragë këtë të enjte, Kryeministri Edi Rama shkruan në rrjetet sociale se veç mbështetjes për çeljen e negociatave, ata kanë gati një plan veprimi për të realizuar këtë objektiv strategjik.<br /><br />Të premten në mëngjes, në kuadër të lobimit që qeveria po bën për të marrë një përgjigje pozitive nga Këshilli Europian, do të pritet në një takim nga Kancelarja Angela Merkel.<br /><br />Hapja e negociatave do të jetë tema kryesore, por mësohet se do të diskutohet edhe për zhvillimet në rajon dhe në vend.<br /><br />Deri më tani, sinjalet që vijnë nga Gjermania janë pozitive, për një votim pro çeljes së negociatave në Bundestag.<br /><br />Të vetmet që ende nuk janë shprehur janë Franca dhe Holanda, që ishin skeptike një vit më parë. Ndërkohë që dhe Kryeministri i ri i Greqisë ka deklaruar se Athina do të shohë respektimin e të drejtave të minoritetit, përpara se të japë votën e saj pro.<br /><br />Tv Klan
