Fëmijët që banonin në katin e tretë të pallatit që u dogj ditën e sotme tregojnë momentet e tmerrit dhe arritën të dilnin nga hyrja. Ata tregojnë se ishin në gjumë dhe se kur u zgjuan nga thirrjet e fqinjëve panë dhomën të mbushur me tym.<br /><br />"Kur ra zjarri isha në gjumë në shtëpi. Ishte mëngjes. Vetëm kur dëgjojmë komishiun që të merrte kalamajtë e komishiut tjetër, kur shikojmë shtëpinë të mbushur me tym. Dolëm vetë jashtë, pasi pamë tymin, zjarrin tmerr.<br /><br />Vetëm këtu në banesë kishte katër kalamaj në shtëpi, ishin vetëm pasi mamin e babin i kishin në punë, ashtu si ne. Fëmijët e tjerë i nxori komshiu. Isha vetëm me motrat 15 dhe 12-vjeç. I trembëm shumë kur e pashë shtëpinë duke u djegur. Nuk kanë mbetur asgjë të gjitha janë djegur".<br /><br />"Librat e shkollës nuk i kisha marrë, por ngjyrat të cilat më janë djegur. Nuk e dimë ku të banojmë. Ne ishim duke fjetur, vetëm kur shikuam tymin, dolëm jashtë, nuk morëm asgjë nga shtëpia.<br /><br />Për zjarrin na lajmëroi komshiu. Pastaj lajmërova komshiun tjetër të katit të dytë. Fikëm automatët dhe dolëm, nuk ka shpëtuar asgjë" thanë fëmijët e njërës prej hyrjeve që u dogjën në Fushë Krujë.
