Admir Jahelezi nga Tropoja, administrator i linjës së autobusëve ?Papi Mers? ka dorëzuar ankesë në Ministrinë e Infrastrukturës në Prishtinë. Ai pretendon se po dëmtohet biznesi i tij, nga dy agjenci turistike nga Shqipëria, në linjën Tiranë-Bajram Curr.<br /><br />Ai thotë se është i pajisur me dy licenca për linjat nga Tiranë-Gjakovë dhe Bajram Curri-Gjakovë, ndërsa ata të cilët nuk paguajnë taksa dhe janë vetëm transit, i marrin udhëtarët nëpër Kosovë me gjysmë çmimi. Thotë se ankesat e tij po hasin në vesh të shurdhër.<br /><br />Në Ministrinë e Infrastrukturës e pranojnë se dy operatorët tjerë kanë leje vetëm transit dhe se ka pasur raste kur i kanë shkelur rregullat.<br /><br />Megjithatë sipas tyre ankesat e Jahelezit janë duke u shqyrtuar dhe kjo çështje ka kaluar në nivel politik.<br /><br />Më 15 Qershor të këtij viti, këto dy kompani ishin ndaluar të qarkullonin nëpër Kosovë, me arsyetimin së këta operatorë asnjëherë nuk kanë pasur leje qarkullimi.<br /><br />Pas ankesave të ministrisë së Transportit të Shqipërisë ky vendim është pezulluar deri në një takim të radhës të komisioneve teknike nga të dyja shtetet.<br /><br />Tv Klan
