Kryeministri i vendit Edi Rama, në këtë ditë të parë të shkollës për sezonin 2019-2020 ka qenë i pranishëm në shkollën e ndërtuar ' Servete Maçi' ku ka thënë se shkolla të tjera do të rindërtohen në vitet e ardhshme. Rama ka deklaruar se deri më tani së paku 200 shkolla janë rikonstruktuar dhe të tjera do të rindërtohen.<br /><br />Ndër të tjera Rama është ndalur tek librat falas për fëmijët nga klasa e parë në të pestën. Ai ka thënë se vitin tjetër do të punohet që të ofrohen libra falas edhe për klasën e 6 dhe të 7.<br /><br />"Ndërsa për vitet e ardhshme do të punohet që librat falas të ofrohen nga klasa e parë në të nëntën " ka deklaruar Rama.<br /><br />Në fund Rama është ndalur në një histori suksesi të një studenteje shqiptare e cila ishte përzgjedhur si e para ekselente në një Universitet të njohur në Stamboll. Më pas ai ka thënë se shumë fëmijë edhe pse jetojnë në kushte ekstreme, janë më të mirët e shkollave dhe për ta duhet të punohet që tu ofrohen shërbime sa më të mira.
