Ish-Kryeministri Italian Matteo Renzi ka njoftuar largimin nga Partia Demokratike e Italisë për të formuar partinë e tij të re.<br /><br />?Kam vendosur të largohem nga PD dhe të ndërtoj bashkë me të tjerët një shtëpi të re politike për të bërë politikë ndryshe?, ka shkruar Renzi në Facebook. Sipas ish-Kryeministrit italian, ai është larguar sepse ka mungesë vizioni në parti.<br /><br />Mediat italiane raportojnë se rreth 30 deputetë do t?i bashkohen Renzit në nismën e tij. Por, ish-Kryeministri ka deklaruar se do të vazhdojë të mbështesë qeverinë e Conte.<br /><br />Braktisja e partisë së qendrës së majtë nga Renzi, vjen rreth 1 javë pasi PD u bashkua në koalicion me Lëvizjen 5 Yjet për të formuar qeverinë e re të Italisë. Megjithatë, Matteo Renzi nuk është pjesë e kabinetit me Kryeministër Giuseppe Conte, i cili u mandatua për herë të dytë në krye të qeverisë italiane.<br /><br />Matteo Renzi u bë Kryeministri më i ri i Italisë në vitin 2014, kur ai ishte 39 vjeç. Ndërsa në vitin 2016 dha dorëheqjen nga detyra. Edhe pse u konsiderua reformator, Renzi ka qenë një figurë përçarëse brenda PD, veçanërisht për të majtën italiane, anëtarët e së cilës janë kryesisht besnikë ndaj kryetarit të partisë Nicolas Zingaretti. /tvklan.al
