I paqartë qëndrimi i Athinës për Shqipërinë dhe Maqedoninë e Veriut<br /><br />Greqia nuk ka qartësuar ende se çfarë qëndrimi do të mbajë në samitin e Këshillit Europian për Çështjen e Negociatave me Shqipërinë dhe Maqedoninë e Veriut.<br /><br />Takimi që Zaev e Mitsotakis kanë pasur në New York raportohet se u zhvillua në një klimë të mirë, pavarësisht se shefi i qeverisë greke vazhdon të ketë rezervat e tij.<br /><br />?Ashtu si dhe në takimin me homologun shqiptar Edi Rama, Mitsotakis nuk është hapur para Zaevit se cili do të jetë qëndrimi i Athinës për hapjen e negociatave me Maqedoninë e Veriut dhe me Shqipërinë. Të paktën mediat greke nuk kanë ndonjë referim ndaj kësaj çështjeje?.<br /><br />Nga ana tjetër, duket se kryeministri grek është kujdesur dhe në këtë takim që të mos zhgënjejë votuesit e tij që në masë të madhe ishin kundër Marrëveshjes së Prespës. Siç raporton agjencia zyrtare e lajmeve ANA-MPA, Mitsotakis i ka thënë Zaevit se ai nuk do ta nënshkruante marrëveshjen dhe se, sa kohë që ishte lider i opozitës bëri gjithçka mundej që ajo mos të ratifikohej.<br /><br />Zaev ka theksuar që vënia në jetë e Marrëveshjes së Prespës do të ndihmojë investimet greke në Maqedoninë e Veriut. Por Mitsotakis është përgjigjur që edhe në të kaluarën, mospasja e një marrëveshjeje të tillë nuk e pengoi zhvillimin e investimeve greke në vendin fqinj.<br /><br />Tv Klan
