ဧရာဝတီတိုင်းဒေသကြီး ၁၈နေရာတွင် မိုးလေ၀သအခြေအနေ တိုင်းတာရေး စက်များတပ်မည်<br />********************<br />ဧရာဝတီတိုင်းဒေသကြီး ၁၈နေရာတွင် မိုးလေ၀သအခြေအနေ တိုင်းတာရေး စက်များ တပ်ဆင်ရေး လုပ်ဆောင်နေကြောင်း လျှပ်စစ် စွမ်းအင် စက်မှုလက်မှုနှင့်လမ်းပန်းဆက်သွယ်ရေး ၀န်ကြီး ဦးဝင်းဌေး ကပြောသည်။<br /><br />“အလိုလျှောက် မိုးလေ၀သအခြေအနေများ တိုင်းတာရေးကိရိယာများကို အာရှဖွံဖြိုးရေးဘဏ်ရယ်၊ ကမ္ဘာ့ဘဏ်အစီအစဉ်နှစ်ခုနှင့်ဆောင်ရွက်နေပါတယ်။ အာရှဖွံဖြိုးရေးဘဏ် ငပုတော၊ ရေကြည်၊ ၀ါးခယ်မ၊ ဖျာပုံတို့ အပါ ၁၁နေရာမှတပ်မယ်။ ကမ္ဘာဘဏ်နဲ့ဆိုရင် ၇ နေရာ တပ်မယ်။ ဒီဟာတပ်လိုက် မယ်ဆို မိုးရေချိန်၊ အပူချိန်၊ စိုထိုင်းစ၊ လေတိုက်နှုန်း၊ လေလာရာအရပ်တွေကို သိရမယ်”ဟု လျှပ်စစ် စွမ်းအင် စက်မှုလက်မှုနှင့်လမ်းပန်းဆက်သွယ်ရေးဝန်ကြီးဦးဝင်းဌေးကပြောသည်။<br /><br />ထိုသို့ စက်များတပ်ဆင်ထားကြောင့် ဒေသခံများ၏ စိုက်ပျိုးရေးလုပ်ငန်းများအတွက် အထောက်အကူ ဖြစ်စေနိုင်ပြီး သဘာဝဘေးဖြစ်လာပါက ရင်ဆိုင်တုံ့ ပြန်နိုင်ရန် ကြိုတင်ပြင်ဆင်နိုင်ကြောင်း သိရ သည်။<br /><br />ရိုက်ကူး-စည်သူမောင်မောင်
