?Një operacion ndërkombëtar droge, i zhvilluar mes autoriteteve shqiptare dhe policisë greke nën bashkëpunimin e DEA-s amerikane, çoi në sekuestrimin e 137 kg kokainë. Lënda narkotike me origjine nga Ekuadori u prit në portin e Durrësit nga tre persona, prej të cilëve 2 u vunë në pranga dhe një tjetër është shpallur në kërkim?.<br />Ky është momenti kur Ardian Bega largohet nga kontenieri me një çantë sportive në krahë. Aty ai besonte se kishte drogën e porositur në Ekuador, për llogari të Gentian Malindit. <br />Në fakt, policia greke e kishte zëvendësuar drogën me pako me oriz dhe brenda tyre kishte futur një gjurmues GPS.<br />53-vjeçari Bega dhe Altin Myslimhaka, 37 vjeç, kishin për detyrë të nxirrnin drogën nga kontenierët e portit të Durrësit. <br />E kanë marrë ngarkesën dhe e kanë futur në një makinë, në të cilën gjendej edhe pritësi i saj, Gentian Malindi. <br />Por në rrugën dytësore Plepa-Golem, ata kanë kuptuar që pakot e drogës ishin zëvendësuar me oriz dhe i kanë hedhur. Policia, që po i mbante nën vëzhgim ka ndërhyre për t?i ndaluar, por Malindi ka mundur të largohet. <br />Sinjali i parë për trafikun e kësaj sasie të madhe droge u dha nga autoritetet greke më 26 Gusht, pasi droga u zbulua në portin e Pireut, në një operacion të koordinuar nga DEA.<br />?Policia Shqiptare organizoi dorëzimin e kontrolluar pas miratimit dhe lejimit nga Autoritetet Greke, procedura të cilat filluan nga pala shqiptare që në muajin gusht 2019 dhe përfunduan sot më datë 27.09.2019. Gjatë kësaj periudhe u realizuan disa takime operacionale nga Policia e Shtetit me Autoritetet Policore Greke dhe Zyrën e DEA-s.?<br />Bega ishte punonjës sigurie në portin e Durrësit dhe e ka pasur të lehtë të hynte deri tek kontenierët. Ndërsa Altin Myslimhaka ishte punonjës mirëmbajtjeje i një anije peshkimi. <br />Paraditen e së premtes dy të arrestuarit janë lënë në burg nga Gjykata e Krimeve të Rënda. <br />Për cn policia vijon kërkimet. Ai rezulton një emër i njohur për drejtësinë, pasi është arrestuar në Qershor të vitit 2013, kur në një furgon u gjet një sasi prej 289 kg kanabis, por në fund u lirua për mungesë provash. <br />Ky është rasti i dytë që në portin e Durrësit sekuestrohet një sasi e madhe kokainë që vinte nga Ekuadori. Në shkurt të 2018-s u sekuestruan 613 kg kokainë në kontenierin e mbushur me banane ku në pranga u vunë tre persona, mes të cilëve edhe Arbër Çekaj, pronari i kompanisë që kishte porositur bananet.
