Zbardhen lëvizjet e dy kontenierëve me kokainë<br /><br />Ky është njëri nga dy kontenierët që u nisen nga porti i Guajkilit në Ekuador, brenda të cilëve ishte fshehur sasia prej 137 kg kokainë, me destinacion final Shqipërinë. <br /><br />Referuar kompanive që monitorojnë itinerarin e mallrave për qëllime tregtare me anë të kontenierëve, ngarkesa është nisur nga porti i Guajakil më 24 Korrik.<br /><br />Më 19 Gusht, përmes rrugës detare, ngarkesa ka mbërritur në portin e Pireut në Greqi.<br /><br />Autoritetet greke në bashkëpunim me zyrën e DEA-s amerikane në Athinë, kanë gjetur të fshehur në motorët frigoriferikë të kontenierëve pakot me drogë.<br /><br />Menjëherë janë njoftuar autoritetet shqiptare, që dërguan disa zyrtarë të Antidrogës në Greqi. Në prani të tyre u bë edhe zëvendësimi i drogës me miell dhe oriz, si dhe u vunë pajisje GPS dhe pajisje përgjimi në disa pako.<br /><br />Një muaj më vonë, më 14 Shtator, kontenierët u nisën drejt Portit të Durrësit, ku dhe mbërritën më 17 Shtator.<br /><br />Prej kësaj datë, ata u mbajtën nën vëzhgim nga policia, deri në momentin që punonjësi i sigurisë së portit, Ardian Bega, hapi një prej tyre duke marrë disa pako, që besonte se ishin me kokainë.<br /><br />Ai ishte me bashkëpunëtorin e tij Altin Myslimhaka, punonjës i një anije peshkimi dhe me Gentian Malindin, pronari i të njëjtës anije, i cili besohet se ishte njeri nga porositësit e mallit.<br /><br />Policia e ndoqi drogën e ngarkuar në një makinë me targa franceze, deri kur Gentian Malindi zbuloi në rrugën dytësore Plepa-Golem se pakot nuk kishin drogë, por oriz. Ai u kërkoi dy të tjerëve t?i hidhnin ato, e të mos flisnin, pasi dyshonte se malli kishte përgjues. Kur ndërhyri policia, ai arriti të largohej, ndërsa dy të tjerët u arrestuan.<br /><br />Hetimet për këtë rast të trafikut ndërkombëtar po ndiqen nga Prokuroria e Krimeve të Rënda, e cila i ka shtrirë veprimet e saj edhe tek drejtues e punonjës të Portit të Durrësit.<br /><br />Ata janë nën verifikim, me dyshimin se kanë lejuar hyrjen në port të personave të pa autorizuar, por nuk përjashtohen edhe hetimet për bashkëpunim.<br /><br />Tv Klan
