Deputeti Kostaq Papa, i opozitës se re, i cili ka hyrë në Parlament nga lista e partisë Demokratike në Qarkun e Tiranës, kritikoi qeverinë për reformën territoriale, që sipas tij nuk ndihmon fshatrat shqiptarë brenda kufirit grek.<br /><br />"Meqë para meje ishte ministrja e Infrastrukturës e këshilloj që të rishikojë edhe njëherë tunelin e rrugës së Sarandës, sikur edhe me vjedhje të jetë ai të bëhet, se ju keni për t'i vjedhur paratë, por të bëhet, se nga ai përfiton edhe Çamëria.<br /><br />Ju shkatërruat Leskovikun. Si do të ndihmoni fshatrat shqiptare matanë kufirit, Konicës, Gramozit, Delvinaqit, çfarë do u thoni atyre, që do i ktheni në etni shqiptare sikur kanë qenë dhe janë prej shekujsh. Edhe marrëveshja që ofruat për detin ishte po aq tradhtare sa e para" tha ai.<br /><br />Por Ligoraq Karamelo, që mbron të drejtat e minoritetit grek në Shqipëri reagoi ashpër duke kërkuar që gjuha e përdorur nga Papa të dënohet. "Të distancohemi nga parafolësi nga përdorimi i disa shprehjeve që tingëllojnë anakronike. Si mund të flitet sot për fshatrat të aneksuara që i përkasin një shteti tjetër europian. Janë cështje të ndjeshme dhe sensitive, deputeti ka të drejtë të thojë ctë dojë, por jo të acarojnë situatën" tha ai.
