સુરતઃ ઈંગ્લેન્ડના લંડનમાં આયોજિત કોમન વેલ્થમાં જુડો ચેમ્પિયન શીપમાં સુરતની દિક્ષી સેલરે બ્રોન્ઝ મેડલ હાંસલ કરી સુરત સહિત દેશનું ગૌરવ વધાર્યું છે દિક્ષીએ ઈંગ્લેન્ડની ખેલાડીને એના જ ઘર આંગણે હરાવી આ મેડલ પ્રાપ્ત કર્યો હતો આ સ્પર્ધામાં 32 દેશોના ખેલાડીઓએ ભાગ લીધો હતો માતા હેમાક્ષી (સ્વિમિંગ કોચ) એ જણાવ્યું હતું કે, દિક્ષી (ઉવ 17 રહે, રાંદેર, ગંગા નગર) ધોરણ-12 આર્ટમાં અભ્યાસ કરે છે અને છેલ્લા 6 વર્ષથી જુડોની રમત સાથે સંકળાયેલી છે આ ટુર્નામેન્ટ રવિવારે લંડનમાં રમાઈ હતી દીક્ષિએ બ્રોન્ઝ મેડલ મેળવ્યો હોવાની ખબર ફોન પર આપતાની સાથે જ ઘર-પરિવાર અને ફળિયામાં દિવાળીની ઉજવણી જેવો માહોલ બની ગયો હતો
