#rtvora #oranews<br /><br />Një 35-vjeçar, i njohur si biznesmen i makinave të përdorura u ekzekutua në Lushnje në një atentat të tipit mafioz.<br /><br />Ngjarja e rëndë ka ndodhur në orët e para të mëngjesit të sotëm (1 tetor) në lagjen "Skënder Libohova".<br /><br />Gazetari i Ora News, Jualian Kasapi thotë se "viktima është Besnik Hida, i cili është vrarë në katin e dytë të një lokali, teksa ishte duke pirë kafen e mëngjesit".<br /><br />Autori i maskuar është ngjitur aty me armë në dorë dhe e ka qëlluar dy herë me breshëri automatiku.<br /><br />Në atentat morën pjesë dy persona-35 vjetari ka ndërroi jetë në vend, ndërsa autori ende i paidentifikuar i ndihmuar edhe nga të paktën një person i dytë është larguar nga vendngjarja me një makinë.<br /><br />Ngjarja u shënua rreth orës 08:15 minuta në një kohë kur në zonë kishte lëvizje të shumtë të kalimtarëve, ndërsa breshëria e plumbave ka shkaktuar panik.<br /><br />Makina e autorëve gjendet e djegur-Disa minuta pas ngjarjes, mjeti me targa të vjedhura që dyshohet se u përdor për atentatin u gjet i djegur në lagjen Sarave, pranë autostradës Lushnje-Fier.<br /><br />Burimet thonë se brenda makinës u gjetën dy automatikë kallashnikovë dhe një pistoletë. Por për shkak se ishin të djegura, skemë kjo e përdorur gjerësisht pas atentateve, nuk ka informacion, nëse ekspertët kanë arritur të gjejnë gjurmë.<br /><br />Armët do të dërgohen në laboratorin kriminalistik me qëllim nxjerrjen e të dhënave për autorët ose nëse janë përdorur edhe më parë për ngjarje kriminale.<br /><br />Ndërkohë policia ka ngritur pika të shumta kontrolli në hyrje-dalje të qytetit, në aksin rrugor Lushnjë Tiranë, Lushnjë Fier dhe Lushnjë Berat.<br /><br />Besnik Hida, mësohet se është Daja e Zamir Latifit, i vrarë dy vjet më parë në një atentat për të cilin dyshohet Laert Haxhiu.<br /><br />Pista e hetimit-Kjo lidhje e fakteve, sipas burimeve i çon hetuesit tek dyshimi se vrasja e 35 vjecarit Hida mund të jetë vazhdim i serisë së përplasjeve të bandave të Laert Haxhiut dhe Aldo Bares.<br /><br />Viktima mësohet se ka një biznes makinash të përdorura, ndaj dhe mes pistave të para nuk është përjashtuar as ajo e konflikteve në biznes të 35 vjeçarit Besnik Hida.<br /><br />Në ndihmë të hetimit, në Lushnje kanë mbërritur edhe një grup specialistësh nga Departamenti i Policisë Kriminale në Policinë e Shtetit.<br /><br /><br /><br />Për më shumë lexoni në: https://www.oranews.tv/article/vrasje-me-arme-zjarri-ne-lushnje<br /><br />Ndiqni emisionin këtu: https://youtu.be/FC1vwbZt1I8<br />Follow RTV Ora<br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp <br /><br />Follow Ora News on Google+ HERE http://bit.ly/2TdjAJz
