Ish-ministri i Brendshëm Saimir Tahiri ka ankimuar vendimin e Gjykatës së Krimeve të Rënda që e shpalli fajtor për shpërdorim detyre. Paraditen e së enjtes përmes avokatëve të tij mbrojtës, Tahiri ka depozituar kërkesën në Gjykatën e Apelit të Krimeve të Rënda, një ditë para se të përfundonte afati prej 15 ditësh nga dhënia e vendimit.<br /><br />Ish-ministri e kishte paralajmëruar ankimimin pasi e konsideroi vendimin e gjykatës absurd dhe qesharak. Më 19 Shtator gjykata e dënoi Tahirin me 3 vjet shërbim prove për akuzën e shpërdorimit të detyrës, ndërsa rrëzoi akuzat e tjera të ngritura nga prokuroria për trafik ndërkombëtar të drogës, pjesëmarrje në një grup të strukturuar kriminal dhe veprime të kryera në kuadër të këtij grupi.<br /><br />Një ditë më parë edhe ish-drejtuesi i Policisë së Vlorës, Jaeld Çela i bashkëpandehur me Tahirin e ankimoi vendimin e gjykatës që e dënoi me 3 vite burg. Çela është vazhdon të jetë në arrati. Pritet që edhe prokuroria të ankimojë vendimin e shkallës parë që rrëzoi të gjitha akuzat e ngritura për ish-ministrin.<br /><br />Tv Klan
