Konstitucionalisti Sokol Hazizaj shprehet se Komisioni i Venecias nuk e ka marrë parasysh situatën ku ndodhej Shqipëria kur ka dhënë opinionin që Presidenti shkeli Kushtetutën duke tejkaluar kompetencat.<br /><br />"Komisioni i Venecias nuk mundet t'i shmangej situatës ku ndodhej Shqipëria. Ai komision nuk varet nga ne prandaj duhet të jemi të kujdesshëm, është organ këshillimor.<br /><br />Mund të përbëjë pozitivitet, por edhe negativitet në vendet e tjera, për shkak të negativitetit në Shqipëri. Koncepti i tejkalueshmërisë së tagrit të Presidentit. Në pikëpamje formale thuhet se i takon të nxjerrë dekrete, e mira apo e keqja, kjo varet.<br /><br />Kuvendi ka ngatërruar, në vend që formalisht Presidenti e ka të drejtën për një dekret, janë marrë me përmbajtjen" tha ai.
