Drejtoresha e Përgjithshme e Tatimeve Delina Ibrahimaj deklaroi se plani operacional anti-informalitet do të vijojë me strukturat e monitorimit në terren si edhe kontrollin nga zyra për të vlerësuar ndryshimet në vetëdeklarime.<br /><br />Sipas të dhënave të raportuara nga Administrata Tatimore, gjatë muajit shtator, strukturat e monitorimit në terren kanë kryer 1905 kontrolle, nga të cilat janë konstatuar 574 shkelje të legjislacionit tatimor. 110 tatimpagues janë penalizuar për shkeljen e mos lëshimit të kuponit tatimor.<br /><br />Për gjithë periudhën 4 korrik ? 30 shtator sipas njoftimit nga 'Tatimet' janë 587 tatimpagues të penalizuar për shkeljen e mos lëshimit të kuponit tatimor (rasti i parë), nga të cilët 336 janë subjekte nga sektori i bar- restoranteve.<br /><br />Zona bregdetare shënon edhe numrin më të lartë të rasteve të konstatuara me shkelje.<br /><br />Më konkretisht: Durrësi 77 subjekte;<br /><br />Vlora 46<br /><br />Saranda 40<br /><br />Tirana me 44 raste<br /><br />Duke u ndalur te sektori i karburanteve, Delina Ibrahimaj njoftoi dje se kontrollet do të vijojnë për të monitoruar respektimin e ligjit edhe tek subjektet që janë konsumatorë të mëdhenj të karburantit (lexo këtu të plotë).
