VLORË- Lamtumirë Eduard Leli! Familjarë, miq, të afërm i kanë dhënë sot lamtumirën e fundit, Eduard Lelit, ose "Edi" siç ai njihet në qytetin e Vlorës.<br /><br />Ceremonia e homazheve është zhvilluar në teatrin "Petro Marko", ku më pas do të përcillet për në banesën e fundit dhe do të prehet në paqe në varrezën pranë babait të tij.<br /><br />Eduard Leli, biznesmen, drejtues i televizionit lokal te Vlorës dhe njëherazi vëllai i kryebashkiakut Dritan Leli ndërroi jetë ditën e djeshme pasi humbi betejën me sëmundjen e rëndë, nga e cila kurohej prej më se një viti.<br /><br />Leli ishte ekonomist në profesion, ndërsa prej 30 vitesh kishte eksperiencë në tregun ndërkombëtar në proceset prodhuese të materialeve të ndërtimit dhe në industrinë e drurit.<br />Ai ishte edhe drejtues i televizioni lokal ''Tv One'', ndërsa ka mbajtur edhe postin e menaxherit të konfindustrisë në qytetin e tij të lindjes. I martuar me volejbollisten Marjana Leli, babai i dy fëmijeve, i njohur dhe i vlerësuar në qytetin e tij për dinamizmin human dhe profesional.
