#rtvora #oranews<br /><br />Deri më 18 tetor, askush nuk di të thotë fjalën e fundit për çeljen e negociatave të Shqipërisë e Maqedonisë së Veriut më BE. Nga Korça, ambasadorja Franceze, vendi i të cilës është ndër skeptikët, tha se priten akoma përgjigje të rëndësishme, por garantoi se në fund vendimi i vendeve të BE do të jetë unanim. Ndërkohë vendet e Vishegradit me një deklaratë kanë mbështetur nisjen e procesit për dy vendet ballkanike.<br /><br />Ambasadorja Franceze në Tiranë, Christinë Vasak ka preferuar të mbajë enigmë deri më 18 tetor vendimin për çeljen e negociatave të Shqipërisë e Maqedonisë me BE.<br /><br />Nga Korça, diplomatja tha se këto ditë priten përgjigje të rëndësishme, ndërsa theksoi se qëndrimi i BE, do të jetë unanim.<br /><br />Vasak: Nuk dua të fshihem pas gishtit, ju keni ngritur pyetjet për rrugën Evropiane. Ju prisni. Ne presim të gjithë bashkë përgjigjen e rëndësishme. Ne nuk dimë çfarë vendimi do jepet. Ky vendim do merret në unaminitet. Por dijeni se dosja e hapjes së negociatave për Shqipërinë dhe Maqedoninë me BE është shumë e rëndësishme, pasi ne jemi në miqësi të vjetër.<br /><br />Franca është një prej vendeve skeptike për zgjerimin e Bashkimit Europian duke mbajtur këtë qëndrim edhe ndaj Shqipërisë. Ndërsa këtë vit, presidenti Macron kërkon një strategji të re për këtë proces ndërsa kërkon që unioni të përballet me sfidat e brendshme.<br /><br />Vasak: Të dielën kancelarja Merkel dhe presidenti Macron patën një takim të rëndësishëm. Janë disa çështje që na tejkalojnë. Është e vërtetë që Shqipëria dhe Maqedonia e Veriun presin një vendim për hapjen e negociatave me Bashkimin Evropian. Por ka gjithashtu çështje që janë po aq të rëndësishme siç është psh edhe BREXIT. Dhe të kujtohemi që ky është një problem i madh jo vetëm për Francën. Gjithashtu është edhe çështja e ngjarjeve në Siri. Është gjithmonë kështu. Aktualiteti imponon problemet e veta.<br /><br />Ndërkohë duke njohur kompleksitetin e situatës që po kalon BE, Çekia, Hungaria, Polonia dhe Sllovania janë shprehur për fillimin e negociatave me Maqedoninë e Veriut dhe Shqipërinë.<br /><br />Me një deklaratë të përbashkët ata bëjnë thirrje që të mos humbet përqendrimi për ato që BE ia ka dale të arrijë në Ballkanin Perëndimor.<br /><br />Për më shumë lexoni në: <br />https://www.oranews.tv/article/negociatat-vasak-nga-korca-brexit-dhe-lufta-ne-siri-me-te-rendesishme<br /><br /><br />Follow RTV Ora<br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp <br /><br />Follow Ora News on Google+ HERE http://bit.ly/2TdjAJz
