?Lekë, lekë thoshin, në fund i thashë unë merr lekët e pensionit?.<br />Ky është Foni Rapo, pensionisti që sëbashku me bashkëshorten e tij kaluan një natë të pazakontë në banesën e tyre në lagjen 3 të Korçës.<br />Rreth orës 20:30 të së hënës, në shtëpinë e tyre hynë 2 persona të maskuar dhe të armatosur që u kërkuan paratë që mbanin në shtëpi.<br />?Ne po hanim bukë dhe këtë derën këtu se kishim mbyllur me kyç, 8 pa 10. Na hynë menjëherë brenda të maskuar, 2 veta me pistoletë?.<br />I kanë kërcënuar, lidhur dhe goditur me shishe që të tregonin kursimet.<br />?Ime shoqe është në spital, e goditën shumë atë, me shishe. Po afro 1 milion mund të ishin?.<br />Thotë se nuk i ka mundur të njohë grabitësit, por edhe pse ata thoshin se ishin nga Elbasani, i moshuari ka dyshime.<br />?Kemi ardhur nga Elbasani thoshin ata, e përdornin dialektin po jo tamam?<br />Duke u larguar, grabitësit i kanë kërcënuar që të mos lajmëronin policinë. Uniformat blu të këtij qyteti thonë se kanë nisur hetimet për të identifikuar dhe kapur autorët e ngjarjes së rëndë.
