Misteret e vrasjes së Dritan Haxhollit në banesën e Marsida Qatjas në Kavajë, kanë qenë temë e diskutimit në emisionin ?Opinion? në Tv Klan. <br /><br />Momentet e para të ngjarjes, vrasja u dyshua për krim pasioni, për shkak se viktima Haxholli ka patur lidhje intime me Marsida Qatjan. Dritan Haxholli dyshonte se vrasësi i tij Bledar Toçi, kishte lidhje me Marsidën. <br /><br />Por gazetarja Klodina Lala tha në emisionin ?Opinion? se hetimet e Prokurorisë janë fokusuar në pistën e trafikut të drogës. Kjo për shkak se në banesën e Marsida Qatjas ku ndodhi përleshja me armë, ka patur mbetje kokaine. Disa prej të pranishmëve në banesë rezultuan se kishin konsumuar lëndë narkotike.<br /><br />Sipas gazetares, hetuesit kanë dyshime se Dritan Haxhollit mund t?i kenë ngritur kurth kur e thërritën të shkonte në banesën e Marsidës.<br /><br />?Nuk mund të diskutohet për krim pasioni. Prokuroria po thellon hetimin në pistën e trafikut të drogës. Marsida Qatja ka pretendar që Haxholli e kishte kërcënuar. Kjo ngjarje ka shumë pikëpyetje. Prorkuroria e ka cilësuar si vrasje me dashje. Dritan Haxholli nuk ka vajtur në banesë papritur. Duket sikur është i futur në kurth. <br />Flitet për një sinjalizim që i ka vajtur Policisë së Kavajës. Dikush lajmëroi policinë që një person i armatosur është duke lëvizur në lagjen nr.2 të Kavajës. Është fshehur fakti që personat që kanë qenë në shtëpinë e Marsida Qatjas, kanë përdorur kokainë. Ka dyshime të forta që këta persona kanë qenë të përfshirë në trafikun e drogës?, u shpreh gazetarja Klodiana Lala.
