VLORË- Një operacion i policisë së Vlorë është finalizuar me arrestime të shumta.<br /><br />Gazetari i Report Tv, Armand Xhelili raporton se arrestimet janë kryer gjatë natës, por nuk ka ende një numër konkret për sa bëhet fjalë. Sipas burimeve, të arrestuarit kryesisht në fushën e narkotikëve. Ky operacion vjen një ditë pas arrestimit të dy vëllezërve, Tesilvan dhe Satilno Tasho.<br /><br />Policia ka dalë në një konferencë për mediat për më shumë detaje. <br /><br />"Ndalohen 7 persona e shpallen në kërkim 3 të tjerë.<br /><br />Në përmbushje të një prej prioriteteve kryesore të punës, atë të parandalimit, evidentimit dhe goditjes së kultivimit e trafikimit të lëndëve narkotike, strukturat e Drejtorisë Vendore të Policisë Vlorë në bashkëpunim me FNSH Fier kanë finalizuar me sukses operacionin policor të koduar "Vjeshta".<br /> <br />Ky operacion është realizuar në kuadër të hetimeve të zhvilluara në bashkëpunim me Prokurorinë e Rrethit Gjyqësor Vlorë, të cilat kanë zgjatur për një periudhë 6-mujore. Operacioni është përqëndruar në dokumentimin dhe goditjen e aktivitetit kriminal kryesisht kundër ?Kultivimit të bimëve narkotike?, por edhe veprave të tjera penale si ?Prodhimi dhe shitja e narkotikëve? e kryer në bashkëpunim, ?Shpërdorimi i detyrës?, ?Armëmbajtja pa leje? dhe ?Moskallëzimi i krimit?. <br /> <br />Gjatë këtij hetimi është dokumentuar në mënyre të plotë e të gjithanshme ky aktivitet kriminal për një nga zonat me risk të lartë për kultivimin e bimëve narkotike, siç janë Njësitë Administrative të Bashkisë Selenicë. Strukturat e Drejtorisë Vendore të Policisë Vlorë kanë ekzekutuar urdhrat e Prokurorisë së Rrethit Gjyqësor Vlorë për arrestimin e shtetasve:<br /> <br />Ç. V, 33 vjeç, banues në fshatin Lapardha, Bashkia Selenicë.<br />E. L, 28 vjeç, banues në fshatin Kotë, Bashkia Selenicë.<br />D. N, 22 vjeç, banues në fshatin Mazhar, Bashkia Selenicë.<br />A. (Sh) V., 37 vjeç, banues në Vlorë.<br />A. V., 27 vjeç, banues në Vlorë.<br />M. V., 22 vjeç, banues në Vlorë.<br />R. L., 29 vjeç, banues në fshatin Lapardha, Bashkia Selenicë.
