યુદ્ધ વિરામની જાહેરાતના અમુક કલાક પછી જ તૂર્કીએ હુમલા શરૂ કર્યા, રાતભર બોમ્બમારો

અંકારા/ દમાસ્કસ:તૂર્કીએ સીરિયાના ઉત્તર-પૂર્વ વિસ્તારમાં શુક્રવારે જોરદાર બોમ્બમારો કર્યો હતો જેમાં 20 નાગરિકો મૃત્યુ પામ્યા આશ્ચર્યની વાત છે કે અમેરિકી રાષ્ટ્રપતિ ટ્રમ્પે અમુક કલાકો પહેલા જ 5 દિવસ સુધી યુદ્ધવિરામ સમજૂતી થયાની માહિતી આપી હતી બીજી બાજુ તૂર્કીના રાષ્ટ્રપતિ એર્દોગાને ધમકી આપી છે કે હજુ બોમ્બમારો વધશે ટ્રમ્પે ટ્વિટ કરી હતી કે યુદ્ધવિરામના 5 દિવસમાં કુર્દ લડવૈયાઓ સરહદથી નજીકના યુદ્ધગ્રસ્ત શહેર રાસ અલ એન સહિત એ બીજા વિસ્તારોમાંથી નીકળી જશે જ્યાં તૂર્કી નિયંત્રણ ઈચ્છે છે કુર્દ લડવૈયાઓના પ્રવક્તા મુસ્તફા બાલીએ ટ્વિટ કરી જણાવ્યું કે તૂર્કીના હુમલા જારી છે, તેણે રહેણાંક વિસ્તારોની સાથે હોસ્પિટલને નિશાને લીધી છે