TIRANË - Partia Demokratike ka denoncuar këtë të martë dy tendera sipas saj korruptive për dhëniën me koncension të dy porteve turistike jahtesh, pranë Kepit të Rodonit dhe në Sarandë.<br /><br />Në një deklaratë për mediat nga selia blu, drejtori i kabinetit, Dorian Teliti, tha se Roland Ziu, një nga aksionerët e dy kompanive që fituan tenderin për port turistik jahtesh pranë Kepit të Rodonit, si bashkim operatorësh, pa kundërshtarë në garë, është trafikant ndërkombëtar droge. <br /><br />Kepin e Rodonit ia ka dhënë për 35 vjet Roland Ziut, i njohur nga mediat si trafikant ndërkombëtar droge. Prej vitesh ky trafikant është lidhur ngushtë me pushtetin e Edi Ramës. Para pak kohe, Erion Veliaj i dha atij koncesionin e terminalit jugor të transportit. Në këtë koncesion trafikanti i drogës i shndërruar në biznesmen pranë qeverisë, është bashkë me kompaninë R&T, e Renis Tërshanës", tha Teliti.<br /><br />Ndërkohë, sa i përket tenderit për portin në Sarandë dhënë për 30 vjet me koncension kompanive Kastrati dhe Dulaku, PD thotë se fillimisht ky port i ishte dhënë me qira për 20 vjet kompanisë së biznesmenit Artan Dulaku, dhe nuk dihet sesi qiraja u kthye në koncension mes tij dhe biznesmenit të Kastrati Group, që PD e përmend si oligarkun më të ngushtë të kryeministrit Rama. <br /><br />"Koncesioni i Portit të Sarandës i është dhënë për 30 vjet dyshes Kastrati-Dulaku. Kastrati është oligarku më i ngushtë i Edi Ramës, që ka marrë koncesion 400 milionë euro të Rrugës së Kombit, furnizon ekskluzivisht prej 6 vjetësh me karburant qeverinë dhe ka përfituar leje ndërtimi në zonat e gjëlbërta të Tiranës. Porti i Sarandës i ishte dhënë më qira për 20 vjet kompanisë së biznesmenit Artan Dulaku dhe nuk dihet sesi qiraja u kthye në koncesionin Dulaku-Kastrati", tha shefi i kabinetit të PD-së.
