Perandori i Japonisë, Naruhito, ka finalizuar ngjitjen e tij në fronin e krizantemit me një ceremoni të mbështetur në traditat dhe madhështinë e një monarkie që pretendon se ka 2 mijë vite histori.<br /><br />Ritualet çimentuan një tranzicion që nisi me abdikimin e të atit, më herët këtë vit dhe mblodhën bashkë mbretërorë dhe liderë politikë nga e gjithë bota.<br /><br />Ceremonia kryesore u mbajt në pallatin perandorak ku pjesëtarë të familjes mbretërore tërhoqën perdet që mbulonin dy fronet perandorake, duke zbuluar perandorin dhe perandoreshën.<br /><br />Naruhito premtoi se do të lutet dhe punojë për lumturinë e popullit japonez dhe paqen në botë dhe se do të përmbushë detyrimet e tij si simbol i Japonisë dhe i unitetit të popullit japonez.<br /><br />Familja mbretërore japoneze, gëzon mbështetje të gjerë në vend. Por pavarësisht kësaj, monarkia që shpesh herë cilësohet si më e vjetra në botë, përballet me të tjera shqetësime, veçanërisht trashëgiminë. Perandori Naruhito dhe perandoresha Masako, kanë një fëmijë, vajzën 17 vjeçare Aiko.<br /><br />Por rregullat perandorake lejojnë vetëm një mashkull në fron dhe femrat mbretërore e humbasin titullin nëse martohen me një njeri të zakonshëm. Me kurorëzimin e Naruhitosë, vëllai i tij Akishino është tani princi i kurorës. Dhe djali i Akishinos, 13 vjecari Hisahito, është i vetmi pasues i mbetur. Tema e ndryshimit të rregullave është diskutuar por sidoqoftë, nuk ka patur asnjë lëvizje konkrete deri më tani.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH
