TIRANE- Gjoba me vlerë nga 1 milionë deri në një milionë e gjysmë lekë, do të vendosen për cdo person që hedh në treg, prodhon apo fut në Shqipëri qese plastike.<br /><br />Po ashtu qytetarët të cilët përdorin qese plastike pas datës 1 qershor 2020, do të gjobiten nga 30 mijë deri në 100 mijë lek.<br /><br />Qeveria shqiptare ka hedhur për konsultim disa amendime në ligjin ?Për disa shtesa në ligjin nr. 10463, datë 22.09.2011 ?Për menaxhimin e integruar të mbetjeve?, të ndryshuar? që parashikon shtrëngime administrative për importuesit, prodhuesit e mëdhenjë edhe përdoruesit e qeseve plastike.<br /><br />Sipas projektligjit subjektet që merren me prodhimin dhe tregtimin e qeseve plastike në vendin tonë duhet të ndalojnë aktivitetin e tyre para datës 1 shkurt 2020, duke lënë një afat 4-mujor deri në zbatimin e ligjit për gjobitjen e këtyre subjekteve.<br /><br />Tregtarë dhe qytetarë u shprehën për Report Tv se do ti përshtaten versionit të ri të qeseve që do të vendoset, por kishte dhe nga ata që nuk janë dakort me këtë nismë.<br /><br />?Ishalla bëhet aq më mirë është, para 2020 duhet të hiqen, të dalin vetëm canta lecke. Edhe një majdanoz e duan në qese. Po tu kërkosh lekët nuk i marin qeset, po tua japësh pa lek i marin. Sallata nuk jepet në qese lecke as në letër.<br /><br />Dy milionë ta vejne, tre milionë. Ne nuk kemi punë fare.Si të vijë version, do të punojmë edhe ne. Për ti shërbyer klientëve unë duhet të marrë qesen që e kam gati dhe i shërbej. Unë e blej me lek dhe e jap pa lek, sepse nuk mund ti kërkoj llogari për 30 lekshin, me nevojiten për punë.<br /><br />Edhe në kohën e Enverit ka pasur qese, hidhej orizi, hidhej sheqeri, hidheshin të gjitha. Po si tja bëjmë pa qese, pastaj të mbyllen dyqanet dhe të mos punojmë fare.<br /><br />Të vendosen, është në rregull?-u shprehën disa prej qytetarëve<br /><br />Ministri i Turizmit dhe Mjedisit, Blendi Klosi ka nisur një fushatë për ndalimin e përdorimit të qeseve plastike, ku synon që qershori i 2020 ta gjejë Shqipërinë pa qese plastike.
