Kryeministri Edi Rama rreth një vit më parë i shpalli luftë kulturës së deklaratave të pabazuara në fakte, konsideruar prej tij si shpifje.<br /><br /><br />Top-Channel ka mësuar se deri më tani, kryeministri ka depozituar 20 padi civile në gjykatën e shkallës së parë, jo vetëm për politikanë, por edhe për dy drejtues emisionesh politike.<br /><br />Ndërkohë që 18 raste janë në proces shqyrtimi , 2 prej tyre janë fituar nga Edi Rama.<br /><br />Një status i ish deputetes demokrate Jorida Tabaku publikuar në Facebook më 25 Tetor 2018 me Titull ?Kumarxhinjtë e Politikës? ripublikuar më pas në shumë media online, është çmuar nga gjykata si shpifje ndaj kryeministrit Edi Rama.<br /><br />Zonja Tabaku është dënuar me 300.000 lekë gjobë dhe detyrimin e përgënjeshtrimit.<br /><br />Për këtë vendim ish deputetja Tabaku paralajmëroi apelimin duke theksuar se i qëndron deri në fund të vërtetës që është e qartë dhe nuk ka vendim politik që mund ta zhbëjë dhe as gjobë ta zhvlerësojë.<br /><br />Kryeministri Edi Rama ka fituar edhe një tjetër përballje për shpifje me ish ministrin e mbrojtjes Arben Imami, i cili u dënua me 100.000 lekë gjobë.<br /><br />Shefi i qeverisë nuk është i vetëm në këtë betejë me shpifjen.<br /><br />Numri dy i PS Taulant Balla, i ka fituar përballjet në gjykatë me kreun e PD Lulzim Basha, Shkelzen Berishën djalin e ish kryeministrit Berisha.<br /><br />Disa ditë më parë një tjetër ish deputete demokrate, Albana Vokshi u gjet fajtore për shpifje ndaj kryebashkiakut Erion Veliaj duke u dënuar me 100.000 lekë gjobë.<br /><br />Gjykata e konsideroi shpifje deklaratën e zonjës Vokshi që kishte bërë nga selia e PD se Erion Veliaj, po mbledh të dhënat e prindërve për fushatë në çerdhe dhe kopshte. Kryebashkiaku Veliaj ka fituar gjithashtu edhe proceset gjyqësore për shpifje ndaj ish presidentit Bujar Nishani, dhe ish anëtarit të këshillit bashkiak Akil Kraja.<br /><br />Edhe ish ministria e arsimit Lindita Nikolla e fitoi përballjen për shpifje me ish deputetin demokrat Luciano Boci i cili u dënua me 50.000 lekë gjobë.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH
