Një aksident i rëndë ka ndodhur në rrethrrotullimin e Kolonjës në autostradën Fier Lushnje. Si pasojë e këtij aksidenti janë plagosur tre persona.<br /><br />Burime për Report Tv bëjnë me dije se tre të plagosurit kanë marrë dëmtime të rënda dhe janë në gjendje kritike. ata janë shoqëruar për në spitalin e Lushnjes me urgjencë.<br /><br />Të tre personat kanë qenë në një automjet tip Benz i cili ka dalë nga rruga dhe pasi është përplasur me bordurën anësore ka rënë në një kanal.<br /><br />Ndërkohë në vendin e ngjarjes kanë shkuar forca të shumta policie të cilët po hetojnë në lidhje me zbardhjen e plotë të shkaqeve të këtij aksidenti.
