Tre milionë Euro pasuri që buronin nga aktiviteti kriminal i katër personave, janë sekuestruar nga policia në qytetin e Shkodrës.<br /><br />Erli Pelingu, Armando Docaj dhe Dëfrim Eçi, u arrestuan më 26 Qershor të kërtij viti gjatë një operacioni të Europol në Danimarkë. Paralelisht policia shqiptare arrestoi në Shkodër Jetmir Kastratin që dyshohet se është kreu i këtij grupi. Në Danimarkë ai përdorte pasaportë kosovare me emrin Sokol Krasniqi.<br /><br />Një pjesë të parave të përfituara, ata e kanë investuar në Shqipëri, kryesisht në vende bregdetare dhe qytete të mëdha.<br /><br />Mësohet se është sekuestruar një pulari në Shkodër me vlerë investimi mbi 1,5 milionë Euro, 10 apartemente banimi në plazhin e Velipojës, 1 apartament banimi në Shkodër dhe 14 automjete prodhim i viteve të fundit.<br /><br />Të gjitha këto pasuri ishin të regjistruara në emër të familjarëve të tyre dhe personave me të cilët kishin lidhje miqësore.
