Panine të mbushura me djathë dhe domate<br /><br />Përbërësit: <br />500 gr miell<br /><br />4 gr maja birre e thatë<br /><br />1 lugë gjelle sheqer<br /><br />250 ml qumësht (i vakur)<br /><br />1 vezë<br /><br />60 ml vaj Olim<br /><br />Kripë<br /><br />Mbushja<br /><br />1 domate e madhe<br /><br />125 gr mozzarella<br /><br />Pak vaj dhe qumësht për lyerje në fund<br /><br />Susam<br /><br />Përgatitja:<br /><br />Në një tas vendosim miellin, shtojmë majan e thatë, sheqerin dhe i përziejmë sëbashku me miellin, shtojmë qumështin dhe e përziejmë me lugë, shtojmë kripë, vezë, vaj dhe e trazojmë brumin duke e punuar me dorë në tavolinën e punës për 10 minuta, e vendosim në tas të lyer me vaj, e mbulojmë me celefon dhe e lëmë të pushojë për 2-3 orë.<br /><br />Më pas vendosim brumin në tavolinë dhe e fillojmë të hapim me majën e gishtave derisa të formohet një petë e trashë, e nivelojmë mirë duke I dhënë formën e një pete të trashë 4-5 mm.<br /><br />Presim domatet dhe mozzarellën në kubikë të vegjël, i përziejmë me erëzat që dëshirojmë.<br /><br />Petën e ndajmë në shirita me gjerësi 5 cm, i lyejmë me furçë me vaj ulliri komplet shiritat. Çdo shirit e ndajmë në dy pjesë, pra gjerësia 5 cm dhe gjatësia 15-20 cm.<br /><br />Në fillim të çdo shiriti vendosim një lugë gjelle me mbushje, e mbështjellim role duke mbyllur skajet dhe e vendosim në një tepsi. Kështu veprojmë me të gjitha pjesët e brumit, duke i vendosur në tepsi me largësi 1 cm nga njëra tjetra. I lëmë përsëri të mbuluara të pushojnë 15 minuta. Në fund I lyejmë me vaj e qumësht të pushojë 15 minuta. Në fund i lyejmë me vaj e qumësht dhe i spërkatim me susam. I vendosim në furrë për tu pjekur në temperaturë 180-190 gradë Celsius për 25 minuta. Pitet e mbushura janë gati! Ju bëfshin mirë!
