Prokurori i Durrësit, Arjan Ndoja, mbeti i plagosur në një atentat të organizuar kundër tij në autostradën Tiranë-Durrës.<br /><br />Bashkë me të u plagos shoferi i tij, Andi Maloku dhe shtetasi Aleksandër Laho, një person me precendentë penalë nga Shijaku.<br /><br />?Automjeti ku ndodhej edhe prokurori Arjan Ndoja ishte nisur drejt Tiranës, por ra pre e një atentati në mbikalimin e Shkozetit?.<br /><br />Ishte ora 16 e 30 minuta, kur makina me të cilën ata po udhëtonin në drejtim të kryeqytetit, një Mercedez me targë AA 333 ZD, që rezulton në pronësi të shtetasit Fadil Çalliku, u godit me breshëri plumbash kallashnikovi.<br /><br />Atentatorët qëlluan nga një tjetër autoveturë në lëvizje dhe u larguan. Makina e prokurorit përfundoi pak metra në krah të autostradës. Pjesën më të madhe të plumbave ajo e ka në pjesën e pasme.<br /><br />Të plagosurit u nxorën që aty nga disa kalimtarë, siç shihet në këto filmime amatore të bëra nga kalimtarë të rastit, e të publikuara në rrjetet sociale.<br /><br />?Menjëherë pas ngjarjes, prokurori Arjan Ndoja dhe Aleksandër Laho u sollën në spitalin e Durrësit. Ata janë nën kujdesin e mjekëve dhe gjendja e tyre është jashtë rrezikut për jetën?.<br /><br />Prokurori 44-vjeçar Arjan Ndoja ka marrë dy pluma.<br /><br />Spitali i Durrësit u rrethua nga forca të shumta policie. E njëjta situata paraqitet edhe në Spitalin e Traumës në Tiranë ku ndodhet në gjendje më të rëndë drejtuesi i mjetit.<br /><br />?30-vjeçari Maloku e rezulton në gjendje kritike për jetën. Ai ka marrë dy plumba, një në gjoks dhe një në kurriz?.<br /><br />Forca të shumta policie janë vënë në lëvizje në përpjekje për të identifikuar dhe kapur autorët. Mësohet se 2 persona janë shoqëruar gjatë mbrëmjes në polici për t?u marrë në pyetje.<br /><br />Rreth 2 orë pas ngjarjes policia gjeti në zonën e Ishmit një mjet tip Benz 280 dhe brenda 2 kallashnikovë. Mendohet se ato u përdorën nga atentatorët. Dyshohet se targat janë të vjedhura.<br /><br />Prokurori Ndoja u bë i njohur kohët e fundit për shkak të akuzave publike të lëshuara kundër tij nga Kryeministri Rama dhe zëvendëskryeministri Braçe.<br /><br />Ata e akuzuan atë për lidhje me grupet kriminale, pas arrestimit me urdhër të tij të ish-drejtorit të Kadastrës së Durrësit, Liridon Pula, i cili u lirua më pas nga Gjykata e Apelit.<br /><br />I plagosuri Aleksandër Laho ose Landi Muharremi njihet nga policia si person me precedentë penalë dhe si një prej të fortëve të zonës së Shijakut.<br /><br />Sipas policisë, ai ka qenë i përfshirë edhe në dhunën ndaj biznesmenit Fadi Mitri, në Shtator të vitit 2016. Ai kishte plan për të investuar afro 400 milionë euro në një resort në Gjirin e Lalzit dhe pas dhunimit u largua nga Shqipëria. <br /><br />Tv Klan
