Dibër<br /><br />Finalizohet me sukses operacioni policor i koduar "Shumbati " <br /><br />Zbardhet në kohë rekord vjedhja me armë e një shume parash në një banesë.<br /><br />Pas disa orë ndjekjeje dhe mbajtje nën rrethim, bien në prangat e Policisë dy nga autorët kryesorë. <br /><br />Shpallen në kërkim dy autorë të tjerë të ngjarjes.<br /><br />Policia e Dibrës pas marrjes së informacionit se disa persona , nën kërcënimin e armës ishin futur në një banesë në fshatin Grykë Nokë dhe nën kërcënimin e armës kishin marrë një shumë parash , menjëherë ka shkuar në vendngjarje dhe janë vënë në ndjekje të autorëve.<br /><br />Autorët në momentin që kanë konstatuar se po ndiqeshin nga policia kanë braktisur mjetin e tyre duke u fshehur në malin e fshatit Shumbat.<br /><br />Shërbimet e Komisariatit të Policisë Dibër në bashkëpunim dhe me agjentët e Hetimit të Krimit në DVP,kanë rrethuar autorët në një perimetër të gjerë dhe kanë vijur ndjekjen dhe krehjen e zonës për të bërë të mundur kapjen e tyre.<br /><br />Pas disa orë ndjekje dhe mbajtje nën rrethim është bërë e mundur kapja dhe arrestimi i shtetasve :<br /><br />M.M, 26 vjeç dhe D.M, 26 vjeç, banues në Kukës.<br /><br />Ndërsa shtetasi M.K, 25 vjeç, banues në Dibër, dhe F.H, 20 vjeç, banues në Kukës, kanë mundur të largohen duke marrë me vete edhe shumën e parave të vjedhura, të cilët janë shpallur në kërkim dhe vijon puna për kapjen e tyre.<br /><br />Këta shtetas në bashkëpunim me njëri-tjetrin në fshatin Grykë Nokë, Dibër, dyshohet se nën kërcënimin e një arme, kanë vjedhur në banesën e shtetasit I.H, shumën prej 300.000 lekë, dhe më pas janë larguar me një automjet tip 'Opel'.<br /><br />Vijon krehja e zonës për kapjen e dy personave të shpallur në kërkim dhe të gjetjes së armës që dyshohet se autorët e kanë hedhur porsa kanë parë që ndiqeshin nga policia.<br /><br />Në cilësinë e provës materiale është sekuestruar mjeti i përdorur nga autorët.<br /><br />Materialet hetimore do ti referohen Prokurorisë Dibër për veprën penale "Vjedhje me armë", e kryer në bashkëpunim.
