?Shpërfillja europiane po ushqen zhgënjimin e Ballkanit?<br /><br />?Shpërfillja europiane për Shqipërinë dhe Maqedoninë e Veriut po ushqen zhgënjimin e Ballkanit ndaj Bashkimit Europian?.<br /><br />Është ky thelbi i një analize të publikuar nga BBC, ku flitet për vendimin e Këshillit Europian për të shtyrë hapjen e negociatave për Tiranën dhe Shkupin.<br /><br />Analiza shpreh kritika të forta për Presidentin francez Emannuel Macron, për të cilin shkruan se luajti rolin e kryeantagonistit.<br /><br />Sipas BBC, Macron tha ?Jo? kur të gjithë liderët e tjerë të Bashkimit Europian ishin në favor të hapjes formale të negociatave për Maqedoninë e Veriut, ndërsa Shqipërisë i vuri fshesën.<br /><br />Pritshmëritë ishin të larta për dy vendet, që i janë nënshtruar një procesi të thellë reformash, e veçanërisht për Maqedoninë e Veriut që kapërceu sfidën e vështirë të ndryshimit të emrit.<br /><br />Shpërfillja europiane ishte një mesazh i zymtë edhe për Kosovën e Bosnjën, por edhe për Serbinë e Malin e Zi që prej vitesh i kanë hapur negociatat e anëtarësimit.<br /><br />BBC thotë se pasojat e këtij vendimi po ndjehen me ftesën që Rusia i bëri Shqipërisë dhe Maqedonisë së Veriut, për t?u anëtarësuar në unionin ekonomik Euroaziatik, ku bëjnë pjesë vende ish-sovjetike e të bllokut lindor të periudhës së luftës së ftohtë.<br /><br />Tv Klan
