Edhe pse në orar pune dhe me 80 pasagjerë, shoferi i një urbani në Tiranë është kapur nga policia rrugore në gjendje të dehur.<br /><br />Duke qenë në gjendje të dehur, ai ka kaluar semaforin me të kuqe në një nga kryqëzimet më kryesore në Tiranë, e kjo për pak sa nuk është kthyer në një tragjedi. Por, policia rrugore ka vepruar në kohë, duke e ndaluar shoferin e autobusit.<br /><br />?Një autobus që kishte më shumë se 80 pasagjerë, vazhdoi lëvizjen ndonëse sinjalizimi i semaforit e ndalonte atë, në një nga kryqëzimet kryesore të kryeqytetit si dhe rezultoi në gjendje të dehur në masën 0.69 mg/l, rrezik potencial që për nga kapaciteti mbartës i autobusit, mund të shkaktonte tragjedi në rrugë, nëse përfshihej në ngjarje rrugore.?,-thuhet në njoftimin e policisë.<br /><br />Po ashtu, policia njoftoi se përgjatë 48 orëve të fundit, rrugorët e kryeqytetit kanë arrestuar 23 drejtues mjetesh si dhe ka vënë mbi 2 mijë gjoba.
