PS: Drafti gati javën tjetër. PD: Sipërfaqësor<br /><br />Komisioni i Reformës Zgjedhore dhe ekspertët e opozitës së bashkuar janë mbledhur sërish këtë të martë të ndarë për të diskutuar mbi amendimet që kërkon Kodi Elektoral sipas propozimeve të OSBE ODIHR-it.<br /><br />Në mbledhjen e Komisionit të Posaçëm janë dëgjuar propozimet e Shoqërisë Civile. Bashkëkryetari Gjiknuri lajmëroi se javën e ardhshme do të jetë gati dhe drafti me propozimet për administratën zgjedhore, ndërsa Rudina Hajdari këmbëngul se nuk do të ketë ndarje të reformës në dy faza.<br /><br />Pas mbledhjes se ekspertëve, demokrati Oerd Bylykbashi i cilëson sipërfaqësore ndërhyrjet e propozuara nga shumica dhe thotë se puna që po bëhet në selinë blu i jep zgjidhje problematikave që hasen gjatë proceseve zgjedhore.<br /><br />Për Kristaq Kumen, ish-kreun e KQZ, kërkohet një zgjidhje që puna e ekspertëve të të dy palëve të mund të përafrohet. E madje ai e ka gati një të tillë.<br /><br />Sipas Kumes, nëse do të ketë ndryshim të sistemit zgjedhor, atëherë kërkohet që amendimet aktuale që propozon komisioni duhet të rishikohen. Fakt që u pranua dhe nga socialisti Gjiknuri.<br /><br />Tv Klan
